НҮБ-ын Ерөнхий Ассамблейн шийдвэрээр 1993 оноос хойш жил бүрийн энэ өдрийг Дэлхийн хэвлэлийн эрх чөлөөний өдөр болгон тэмдэглэдэг болоод хэдийн 25 жил болжээ. Хэвлэлийн эрх чөлөөний өдрийг Дэлхийн 100 гаруй улс орон энэ өдрийг тэмдэглэн өнгөрүүлдэг ба манай улс мөн 25 дах жилдээ тэмдэглэх гэж байна. Сэтгүүлчид жил бүрийн энэ өдрийг ямар нэгэн сэдвийн дор тэмдэглэдэг бөгөөд энэ жилийн хувьд “Эрх мэдлийг хяналтандаа байлгах нь: Хэвлэл мэдээлэл, шударга ёс, хууль дээдлэх ёс”сэдвийн дор тэмдэглэн өнгөрүүүлэх гэж байна. Мөн өнөөдөр Монголын 1000 сэтгүүлчид нэг дор цуглаж, салбартаа тулгамдаж буй асуудлаа ярилцаж, баяраа тэмдэглэх юм.