Нийслэлийн МАН-ын хорооны XXXIY Бага хурал өчигдөр /2019.09.21/ болж намын даргаа сонголоо. Бага хуралд Нийслэлийн МАН-ын 36,000 гишүүнийг төлөөлөн 333 гишүүн оролцсон байна. Шөнө хагаслаж хуралдсан Бага хурлын төлөөлөгчдийн 167 нь УИХ-ын гишүүн, УУХҮ-ийн сайд Д.Сумъяабазарыг, 164 нь Нийслэлийн Засаг дарга бөгөөд Улаанбаатар хотын захирагч С.Батболдыг дэмжиж, 18 саналын хуудсыг хүчингүйд тооцсон байна.
60 тэрбумын хэмээх дуулианд хэрэгт нэр холбогдсон НИТХ-ын дарга бөгөөд Нийслэлийн МАН-ын дарга Ц.Сандуй өөрийн хүсэлтээ ажлаа хүлээлгэж өгснөөс хойш жил гаруйн хугацаанд Нийслэлийн Засаг дарга С.Батболд үүрэг гүйцэтгэгчээр ажиллаж буй. Хэдэнтээ хойшлогдсон Нийслэлийн МАН-ын хурлын өмнө үүрэг гүйцэтгэгч С.Батболдыг жинхэлнэ гэсэн таамаг сонсогдож байсан юм.
Энэ хугацаанд Ч.Сумьяабазар С.Батболдыг эсэргүүцэн акц зохиож байна гэсэн мэдээлэл гарч байсан билээ. Ийн Ч.Сумьяабазар УИХ-ын гишүүн, Уул, уурхай хүнд үйлдвэрийн сайд, Нийслэлийн МАН-ын дарга гэсэн гурван давхар “дээл”-тэй болох нь. Дээр нь Монгол Улсын аварга, чөлөөт бөхийн тамирчин, мэргэжлийн тулаанч гээд цол гуншиг жагсаавал хамгийн сонирхолтой намтартай улстөрч болж, рекорт тогтоох нь ээ.
А.Ану
Сэтгэгдэл байхгүй байна