Төв аймгийн Эрдэнэ сумын Чулуут багийн нутагт аймгийн төвөөс зүүн хойд зүгт 129 км, сумын төвөөс зүүн хойд зүгт 46 км-т Босгын гүүр гэдэг газарт Ланд круйзер-200 суудлын автомашин Туул голд сууж, таван иргэн машин дээр гараад байна гэсэн дуудлага есдүгээр сарын 5-ны 21.15 цагт тус аймгийн Онцгой байдлын газарт ирсэн байна.

Тус аймгийн Онцгой байдлын газрын Эрэн хайх, аврах салбарын алба хаагчид 129 км замыг туулан 23:50 цагт очиход Төв аймгаас Улаанбаатар хотын чиглэлд зорчин явсан иргэн А-гийн Королла фиелдэр загварын автомашин усанд живж, зорчин явсан нэг хүүхэд, таван том хүн автомашины бүхээг дээрээ гарсан байжээ.

Аврагчид 1 цаг 20 минут ажиллан иргэдийг эсэн мэнд гаргасан бөгөөд автомашиныг нь есдүгээр сарын 06-ны өдрийн 13:20 цагт голоос татан гаргасан хэмээн ОБЕГ-аас мэдээлэв.