Өдөр тутмын онцлох мэдээлэл, нийтлэл, үйл явдлын тоймыг монгол, англи хэлээр хүргэж байгаа билээ. Та эдгээр мэдээллийн англи орчуулгыг ENGLISH хэсгээс уншина уу. Мөн та бүхэнд бид англи, монгол хэлээр тусгайлан бэлтгэсэн мэдээлэл, тайлан захиалгаар бэлтгэн хүргэж байх болно. Та ямар мэдээ мэдээлэл шаардлагатай байгаа талаар бидэнтэй холбогдон хамтран ажиллахад бид бэлэн байна.

Мөн та бүхэнд бид англи, монгол хэлээр тусгайлан бэлтгэсэн мэдээлэл, тайлан захиалгаар бэлтгэн хүргэж байх болно. Та ямар мэдээ мэдээлэл шаардлагатай байгаа талаар бидэнтэй холбогдон хамтран ажиллахад бид бэлэн байна.

Аж үйлдвэрийн салбарын нийт үйлдвэрлэл 2016 оны эхний 4 сард 2466.9 тэрбум төгрөг болжээ. Энэ нь өмнөх оны мөн үеийнхээс 29.1 тэрбум төгрөг буюу 1.2 хувиар буурсан үзүүлэлт аж.

Боловсруулах аж үйлдвэрийн нийт үйлдвэрлэл 494.3 тэрбум төгрөг болсон бөгөөд өмнөх оны мөн үеийнхээс 138.3 тэрбум төгрөг буюу 21.9 хувиар буурсан нь голлон нөлөөлжээ.

Харин аж үйлдвэрийн салбарын үйлдвэрлэлийн индекс 2016 оны дөрөвдүгээр сард 122.5 (2010=100) болсон байна. Энэ нь өмнөх сарынхаас 3.7 хувь, өмнөх оны мөн үеийнхээс 3.4 хувиар өсч, харин жилийн эцсийнхээс 5.9 хувиар буурсан үзүүлэлт аж.

Үүнээс гадна өмнөх оны мөн үеийнхээс уул уурхай, олборлох аж үйлдвэрийн салбарт газрын тос, зэсийн баяжмал, алт зэрэг бүтээгдэхүүний олборлолт 18.3-90.9 хувь, боловсруулах аж үйлдвэрийн салбарт архи, спирт, катодын зэс, шингэн сүү, амтат ус, ундаа, цэвэр ус, хиаман төрлийн бүтээгдэхүүн, барилгын модон хаалга, цонх, самнасан ноолуур, төмөр замын дэр мод, хэвлэмэл хуванцар картууд зэрэг бүтээгдэхүүний үйлдвэрлэл 1.0 хувиас 2.2 дахин өссөн байна.

Харин уул уурхай, олборлох аж үйлдвэрийн салбарт молибдений баяжмал, цайрын баяжмал, нүүрс, хайлуур жонш, төмрийн хүдэр, буталмал чулуу зэрэг бүтээгдэхүүний олборлолт 2.8-62.3 хувь, боловсруулах аж үйлдвэрийн салбарт зайрмаг, нарийн боов, талх, бууз, банш, төмөр бетон эдлэл, зүсмэл материал, цемент, вакум цонх, хаалга, металл бэлдэц зэрэг гол нэр төрлийн бүтээгдэхүүний үйлдвэрлэл 1.0-99.2 хувиар буурчээ. Аж үйлдвэрийн салбарын борлуулсан бүтээгдэхүүн 2016 оны эхний 4 сард 3052.3 тэрбум төгрөг болжээ. Мөн үүнээс 2027.3 тэрбум төгрөг буюу 66.4 хувийг гадаад зах зээлд борлуулсан байна.

Англи эхийг  энд дарж уншина уу

For English version please click here