Хятадын Гаалийн ерөнхий хорооны статистик мэдээгээр дөрөвдүгээр сард Хятадын нүүрсний импортын хэмжээ 18.8 сая тонн болж, өнгөрсөн сараас 4.52%-аар, өнгөрсөн жилийн мөн үеэс 5.76%-аар буурсан байна. 1-4-р сарын нүүрсний нийт импортын хэмжээ 67.25 сая тонн болж, өнгөрсөн жилийн мөн үеэс 2.5%-аар буурчээ.

Дөрөвдүгээр сард Хятадын экспортолсон нүүрсний хэмжээ 520 мянган тонн болж,  өнгөрсөн сараас 59.06%-аар буурч, өнгөрсөн жилийн мөн үеэс 79.31%-аар нэмэгдсэн байна. 1-дөрөвдүгээр сарын нийт экспортолсон нүүрсний хэмжээ 3.3 сая тонн болж, өнгөрсөн жилийн мөн үеэс 161.4%-аар нэмэгдсэн байна.

Дөрөвдүгээр сарын коксын экспортын хэмжээ 690 мянган тонн болж, өнгөрсөн сараас 38.39%-аар, өнгөрсөн жилийн мөн үеэс 2.4%-аар буурч, 1-4-р сард  нийт экспортолсон коксын хэмжээ 3.43 сая тонн болж, өнгөрсөн жилийн мөн үеэс 16.1%-аар нэмэгдсэн байна.

Тус улсын 1-4 сарын нүүрсний олборлолтын хэмжээ 1.12 тэрбум тонн болж,  өнгөрсөн жилийн мөн үеэс 6.4%-аар буурчээ.