Хайрын тухай хүүхдүүдийн тодорхойлсон хайр хүрэм үгсийг уншаад таны ч гэсэн хайр хүрэх буй за. Хайр гэдэг зүйлийг 4-8 насныхан ингэж тодорхойлсон байна.
Гэгээн хайрын өдөр хиргүй тунгалаг сэтгэлтэй, хүүхдүүдийн хайр хүрэм үгсийг уншин, хайрын тухай өөрийн бодлоо ч бас энд бичээрэй.
-
“Хэн нэгэн танд хайртай бол чиний нэрийг тэр бусдаас өөр дууддаг. Таны нэр түүний аманд аюулгүй гэдгийг та мэдэх болно” 4 настай Билли
-
-
“Эмээ ясны үрэвсэл өвчинтэй болоод нуруугаараа бөгтийхөө байж, хөлийн хумсаа будаж чадахаа больсон. Харин өвөөгийн минь гарынх нь үе мөн үрэвсэлтэй байсан ч түүний хумсыг будаж өгдөг. Энэ бол хайр” 8 настай Реббека
-
“Та их ядарч байсан ч хайр таныг инээмсэглүүлдэг” 4 настай Терри
-
“Ээж аавд зориулж кофе чанаад түүнд өгөхөөсөө өмнө амсаад амт нь яг болсон эсэхийг нь шалгадаг. Энэ бол хайр” 7 настай Денни
-
“Хайр бол бие биетэйгээ удаан хугацаанд үнсэлцэхийг хэлдэг. Ядартлаа үнсэлцээд дараа нь юм ярьцгаана. Манай аав ээж хоёр яг ингэдэг. Тэд үнсэлцэж байхдаа мэдрэлээ алдсан харагддаг” 8 настай Эмили
-
“Зул сарын баяраар бэлгээ задалж байхдаа тэр өрөөнд намайг хараад хэн хэн зогсож байгааг анзаарахыг хайр гэнэ” 7 настай Бобби
-
“Чи хайрыг илүү сайн мэдэхийг хүсвэл үзэн яддаг хүнтэйгээ сайн найзууд болох хэрэгтэй” 6 настай Никка /Никка шиг бодолтой томчууд олон байгаасай/
-
“Нэг залууд цамц нь гоё байгааг хэлсний дараа тэр өдөр бүр нөгөө цамцаа өмсөж байвал хайр юм” 7 настай Ноэл
-
“Бие биеэ маш сайн мэддэг жижигхэн өвөө, эмээ сайн найзуудыг хайр гэдэг” 6 настай Томми
-
“Би тайзан дээр төгөлдөр хуур тоглож байхад маш их сандарч, айж байсан. Намайг хараад сууж байсан олон хүний дундаас гараа даллаж инээмсэглэж байгаа аавыгаа би олж харсан. Тэр ганцаараа л тэгж байсан. Тэгээд л би айхаа больчихсон. Энэ бол хайр” 8 настай Синди
-
“Ээж шарсан тахианы хамгийн гоё хэсгийг аавд өгдөг. Энэ бол хайр” 5 настай Элайн
-
“Ааваас хөлс үнэртэж царай алдсан байсан ч ээж түүнийг Робер Рэдфордоос ч царайлаг байна гэдэг. Энэ бол хайр” 7 настай Крис /Робер Рэдфорд бол Холливудын алдарт жүжигчин юм/
-
“Чи бүхэл өдөржин орхиж явсан ч чиний гөлөг чамайг ирэхэд баярлаж нүүрийг чинь долоож байгааг хайр гэнэ” 4 настай Мэри Анн
-
“Манай эгч надад хайртай. Учир нь тэр надад хуучин хувцаснуудаа өгөөд шинийг авахаар дэлгүүр хэсдэг” 4 настай Лаурэн
-
“Дурласан хүний сормуус дээш доошоо болоход жижигхэн одод үсрэн гарч ирдэг” 7 настай Карен
-
“Аав жорлонгийн суултуур дээр сууж байхыг ээж харсан ч үүнийг бүдүүлэг гэж бодохгүй байгаа нь хайр юм” 6 настай Марк
-
“Та жинхэнээсээ биш л бол “Би чамд хайртай” гэж хэлж болохгүй. Хэрэв үнэхээр жинхэнээсээ хэлэх гэж байгаа бол дандаа хэлж байх хэрэгтэй. Хүмүүс үүнийг мартчихдаг” 8 настай Жессика
Эх сурвалж:dailygood.org -
-
Англи эхийг энд дарж уншина уу.
-
For English version please click here
Сэтгэгдэл (2)