Саналын хуудас хэвлүүлэх, санал тоолох төхөөрөмж шалгаж баталгаажуулах, төхөөрөмжийг тээвэрлэн хүргэх ажил дуусах шатандаа орсныг Сонгуулийн ерөнхий хорооноос өнгөрсөн долоо хоногт мэдээлсэн.

Тухайлбал, Баян-өлгий, Говь-алтай, Завхан, Увс, Ховд зэрэг алслагдсан аймагт саналын хуудас, мөн 7 аймагт санал тоолох техник төхөөрөмж тус тус хүргэгдээд байна.

Бусад аймаг, нийслэлийн дүүргүүдэд хүргэгдэх саналын хуудсыг  хэвлэж дуусгах, санал тоолох техник төхөөрөмж тээвэрлэн хүргэх ажил эрчимтэй үргэлжилж  улмаар энэ сарын 20-ны өдөр бүрмөсөн дуусгахаар шамдан ажиллаж байна гэв

Саналын хуудасны эх бэлтгэх, хэвлэх, боож баглах, хүлээлцэх болон санал тоолох техник төхөөрөмжийг нэгбүрчлэн шалгаж баталгаажуулах,тэдгээрийг тээвэрлэн хүргэх ажлыг Ажлын хэсгийн гишүүд, нам, эвсэл, төрийн бус байгууллагын ажиглагчид ажиглаж байгаа аж.