Бие даан нэр дэвшигч Т.Доржхандын штабаас мөнгө тарааж байгаад үйлдэл дээрээ баригдан, бичлэг нь сошиал ертөнцөөр тархсан дуулиан дэгдээд байгаа.
Тэгвэл Т.Доржханд гэгч ямар хүн УИХ-д гэнэт гарч ирээд юун мөнгө тараагаад байна вэ? гэсэн асуулт гарч ирмээр. Т.Доржханд уг нь нэлээд эрчтэй гарч ирээд дотроо муудалцан, сонгуульд оролцож больсон ХҮНамынх. Нэлээд санхүүжилттэй гэмээр туг далбаа намируулан, жагсаал цуглаан хийж байсан намынхан сүүлдээ хоёр намын дарга, хоёр генесектэй больчихсон. Ингэж гэдсэндээ хөлөө хийлцэж байсан намын генесек нь Т.Доржханд. Залуус бид нийгмээ өөрчлөх гэж их улс төрд орж ирж байна, бидэнд мөнгө байхгүй гээд байсан Т.Доржханд тэгвэл яагаад өнөөдөр сонгогчдод хэдэн зуугаар нь мөнгө тараах чадалтай болчихов?
ХҮНамыг анхнаас нь байгуулалцсан Б.Бат-Оргилын жиргээ үүнд тайлбар өгнө.
Төрж амжилгүй тарж үрэгдсэн ХҮНамыг намнасан этгээдийн нэг нь Т.Доржханд бөгөөд намын албан тушаал, УИХ-д өрсөлдөх мандатыг зарж, таван тэрбум төгрөг босгосон гэж нэг намынх нь нөхөр байсан Б.Бат-Оргил жиргэж. Хэн гэдгийг нь огт танихгүй Яармагийнханд нэг баян залуу гэнэт хүрч ирээд, намайг сонгоорой хэмээн тараасан мөнгө ийм учиртай байжээ.
Намаа зарсан тэрээр ард түмнээ зарах нь ч энүүхэнд биз ээ.
Сэтгэгдэл байхгүй байна