Өнөөдөр УИХ-ын хаврын ээлжит чуулган хаалтаа хийнэ.УИХ-ын даргын дэргэдэх зөвлөл энэ сарын 24-ний өдрийн хурлаараа чуулганы нэгдсэн хуралдаанаар хэлэлцэх асуудлыг баталж, хуваарь гаргасан.

Ингэхдээ өнөөдөр 09.00 цагт зарласан ч одоог болтол гишүүдийн ирц бүрдээгүй байна. Одоогоор чуулганы танхимд 10 гаруй гишүүн ирсэн байгаа юм.

Хуульд зааснаар чуулганы хуралдааныг эхлүүлэхэд гишүүдийн ирц 50 хувьд хүрэх ёстой. Тодруулбал, 76 гишүүний 39 нь ирж байж ирц нь хуульд заасан хэмжээнд хүрнэ.