Сонгуулиар ялалт байгуулаад ердөө сар гаруйхан болж байгаа МАН-ынхны хувьд хагарал үүссэн бололтой. Гаднаа хэзээ ч хагарлаа харагдуулдаггүй, сахилга бат “сайтай” намынхны зүгээс Нийслэлийн Иргэдийн төлөөлөгчдийн хурал (НИТХ)-ын дарга Ц.Сандуйг огцруулахаар ил цагаан шаардлага тавьж байгаагаас үзэхэд хагарал нэлээн гүнзгийрсэн бололтой. Сонгуулийн сурталчилгааны халуун өдрүүдэд “60 тэрбум төгрөг босгох супер төлөвлөгөө” танилцуулсан бичлэг нь цацагдсан Н.Сундуйг огцруулахаар МАН-ын НИТХ-ын тэргүүлэгчдийн 20 нь гарын үсэг зураад байгаа гэнэ. НИТХ-п МАН 34, АН 11 суудалтай. АН сөрөг хүчний хувьд НИТХ дэх МАН-ын 20 саналыг дэмжих юм бол үндсэндээ олонхийн саналаар түүнийг огцруулахад боломжгүй гэх зүйл алга. Гэвч аливаа асуудлыг Удирдах зөвлөлийнхөө хүрээнд шийдэж чаддаг МАН-ын хувьд сонгуулийн тоос арилаагүй байхад НИТ-ын даргаа огцруулах нь юу л бол гэсэн эргэлзээ бас байгаа. Гэхдээ аливаа асуудлыг хөшигний цаана шийддэг Монголын улс төрийн хувьд болохгүй зүйл ч бас үгүй л юм.
А. Ану
Сэтгэгдэл байхгүй байна