Төрийн өмчийн бодлого зохицуулалтын газрын дарга Б.Цэнгэлийн тушаалаар "Дарханы төмөрлөгийн үйлдвэр"-ийн захирал А.Ариунболдыг чөлөөлж, Г.Дугаржавыг томилжээ. Засгийн газраас "Кью Эс Си" ХХК-ийн эзэмшиж байсан “Дарханы төмөрлөгийн үйлдвэр” концессын гэрээг цуцлах шийдвэр гарсны дараа тус үйлдвэрийн даргын түр орлон гүйцэтгэгчээр ТӨБЗГ-ын бодлого төлөвлөлт, хөрөнгө оруулалтын газрын дарга Ц.Шинэхүүг томилж байсан юм. Ингээд А.Шинэхүүгийн оронд өнгөрсөн дөрөвдүгээр сард ТӨБЗГ-ын дэд даргаар ажиллаж байсан А.Ариунболдыг даргаар томилсон.

 Г.Дугаржав нь МАХН-ын Ерөнхий нарийн бичгийн даргаар ажиллаж байсны хувьд Ерөнхийлөгч асан Н.Энхбаяртай ойрын хүн гэгдэг. МАН, МАХН нэгдсэн тохирооны хүрээнд "Дарханы төмөрлөгийн үйлдвэр"-ийг өгнө гэсэн асуудал өмнө яригдаж байсан м.

"Дарханы төмөрлөгийн үйлдвэр"-ийг төрд авах шийдвэрийг Засгийн газар гаргаснаас хойш гурав дахь даргынхаа нүүрийг үзэж байна. Мэргэжилтнүүдийн өмнө нь энэ өвөл үйлдвэр ажиллахгүй байх нөхцөл үүсч болзошгүй гэж мэдэгдэж байсан юм.