Тулгар төр байгуулагдсаны 2225, Их Монгол Улсын 810, Ардын хувьсгалын 95 жилийн ойн баяр наадмын төсвийг 2.9 тэрбум төгрөгөөр баталжээ. Энэхүү хөрөнгийг хэрхэн зарцуулах талаар дэлгэрэнгүй мэдээлэл хүргье.

Наадмын нийт зардлын 11.6 хувь буюу 336 сая төгрөгийг бай шагналд, 34 хувь буюу 991 сая төгрөгийг урлаг соёл хүндэтгэлийн арга хэмжээнд, 19.7  хувь буюу 576 сая төгрөгийг тохижилт үйлчилгээнд, 9.5 хувь буюу 278 саяыг хэв журам хангах, онцгой байдалд, 25 хувь буюу 731 сая төгрөгийг зохион байгуулалт буюу бусад арга хэмжээнд зарцуулна. Дээрх хөрөнгө нь өнгөрсөн жилийн наадамд зарцуулсан хөрөнгийн хэмжээг өөрчлөөгүй аж.