Онгоцны ослоос амьд үлдсэн Бразил хөлбөмбөгчний ой санамж устжээ

2016.12.14

Өдөр тутмын онцлох мэдээлэл, нийтлэл, үйл явдлын тоймыг монгол, англи хэлээр хүргэж байгаа билээ. Та эдгээр мэдээллийн англи орчуулгыг ENGLISH хэсгээс уншина уу. Мөн та бүхэнд бид англи, монгол хэлээр тусгайлан бэлтгэсэн мэдээлэл, тайлан захиалгаар бэлтгэн хүргэж байх болно. Та ямар мэдээ мэдээлэл шаардлагатай байгаа талаар бидэнтэй холбогдон хамтран ажиллахад бид бэлэн байна.

Мөн та бүхэнд бид англи, монгол хэлээр тусгайлан бэлтгэсэн мэдээлэл, тайлан захиалгаар бэлтгэн хүргэж байх болно. Та ямар мэдээ мэдээлэл шаардлагатай байгаа талаар бидэнтэй холбогдон хамтран ажиллахад бид бэлэн байна.

Хоёр долоо хоногийн өмнө онгоцны осолд багаараа өртсөн Бразилийн Chapecoense клубын нэг тоглогч өдийг хүртэл ухаангүй байсан бөгөөд өчигдөр буюу Даваа гарагт ухаан орсон байна.

Нийт 71 зорчигч амиа алдсан ослоос ердөө гурван тоглогч амьд үлдсэний хоёр нь Бразил руу саяхан буцаж, Нето ухаан ороогүй байсан тул Колумбид үлдээд байжээ.

Сонирхолтой нь Нето ухаан ормогцоо эмчээс шигшээ тоглолтын үр дүнг асуусан байна. Харин осол болсон талаар огт санахгүй байгаа гэнэ.

Chapecoense баг Колумбийн Atletico Nacional багтай Copa Sudamericana тэмцээний аваргын төлөө тоглохоор Колумбийг зорин нисэж яваад осолдсон юм.

Харин эмч нар болон сэтгэлзүйчид 31 настай Нетогийн биеийг сайжиртал осол болсон талаар хэлэхгүй байхаар шийджээ. Бие нь бүрэн сэргээгүй байхад ослын талаар дуулгавал муугаар нөлөөлнө гэж сэтгэлзүйчид үзсэн байна.

Ослын дараа тэдэнтэй тоглохоор нутагтаа хүлээж байсан Колумбийн багийн хүсэлтээр Chapecoense багийг Copa Sudamericana тэмцээний аваргаар нэхэн өргөмжилжээ. Амиа алдсан хаалгач Данилог бас Бразилийн энэ оны шилдэг тоглогчоор нэхэн шагнасан байна.

 

Эх сурвалж: Independent

 

Англи эхийг энд дарж уншина уу

For English version please visit here


Сэтгэгдэл:
ЯГ ОДОО
ИХ УНШСАН