• Эхлэл
  • Замын Үүдийн боомт хэвийн ажиллаж байна

Замын Үүдийн боомт хэвийн ажиллаж байна

2022/06/02

БНХАУ-ын Эрээн хотод Ковидын халдвар илэрсэн учраас Эрээн-Замын-Үүдийн хилийн боомтыг хаасан гэсэн мэдээлэл өнөөдөр \2022.06.02\ сошиал сүлжээнд дэгдсэн. Тэгвэл энэ талаар Гадаад харилцааны яамнаас Замын-Үүдийн боомт хэвийн ажиллаж байгаа гэж мэдээллээ. Үүнд:

"Эрээн хотын Цар тахлаас урьдчилан сэргийлэх, хянах шуурхай штабаас 2022/01 тоот мэдэгдэл гаргаж 2022 оны 6 дугаар сарын 2-ны өдөр ПСР шинжилгээгээр covid-19-ын 4 тохиолдол илэрч, хатуу хөл хорионы дэглэм тогтоох шийдвэр гаргав. Үүнд, сургууль, цэцэрлэг болон бусад нийтийн газрын үйл ажиллагаа, авто, төмөр, агаарын замын нийтийн тээврийн үйлчилгээг түр хугацаагаар зогсоож, иргэдийг гэрээс гарахгүй, үйлчилгээг хаалганаасаа авах, цар тахлын дэглэмийг нягт баримтлах, шаардлагатай тохиолдолд шуурхай штабаас зөвшөөрөл авч хотоос гарах зэрэг дэглэм баримтлахаар болсон байна. Мөн тус өдрийн өглөөний 07 цагаас эхлэн хотын нийт иргэдээс ПСР шинжилгээ авч эхэлсэн бөгөөд орон сууцны хорооллуудад пост гаргаж, хяналт тавих, бүртгэл хийх ажил явагдаж байна. Зарим иргэд хүнсээ бэлдэж эхэлсэн байдалтай байна. Одоогоор Эрээн- Замын-Үүд боомтын үйл ажиллагаа хэвийн явагдаж байна" гэсэн байна. 


ИХ УНШСАН

Сэтгэгдэл байхгүй байна

Сонин хачин