Хууль зүйн сайд Д.Дорлигжав өчигдөр Цагдаагийн Ерөнхий газрын дарга, тэргүүн комиссар Р.Чингисийг албан үүргээс нь чөлөөлөх хүсэлтийг Ерөнхий сайд Ч.Сайханбилэгт хүргүүлсэн гэсэн мэдээлэл дэгдэв. УИХ-аар АТГ-ын даргыг ажлаас нь чөлөөлснөөс ердөө л зургаан хоногийн дараа дэгдсэн энэ мэдээлэл “Цагдаа, прокурор, АТГ-д ямар дажин дэгдэв” гэсэн хардлагыг төрүүлж амжив.

Угаасаа ч ЦЕГ-ын даргын томилгоо гэдэг том асуудлын “гэрч” байдаг болсон, Монголын нийгэмд.

Харин энэ талаарх мэдээллийг Засгийн газрын болоод Цагдаагийн ерөнхий газрын хэвлэлийн албад үгүйсгэв.

Гэвч “хэргийн эзэн” Хууль зүйн сайд Д.Дорлигжав 

талаар бид мэдээлсэн. Энэ мэдээллийг Засгийн газрын хэвлэлийн алба болон Цагдаагийн ерөнхий газрын Хэвлэл мэдээллтийн төвөөс үгүйсгэсэн билээ.

- Би энэ асуудлыг Ерөнхий сайдад тавьсан нь үнэн гэж “Ийгл Ньюс” телевизээр шууд мэдэгдэв. Тэрээр ийн хүсэлт гаргасан шалтгаанаа

-Батлагдсан дүрэм журмаа зөрчиж шийдвэр гаргадаг. Нийгмийн сэтгэлзүйг сайн ойлгохгүй, байдлыг хурцатгасан байдлаар ажиллаж, хариуцсан яамандаа тухайн үед нь мэдээлэл өгдөггүй. Энэ мэт удирдлагын шинж чанартай асуудал гараад байгаа гэж тайлбарлажээ. Гэхдээ Ерөнхий сайдад энэ асуудлыг би биечлэн тавьсан учраас хэвлэл мэдээллийнхэн энэ талаар мэдээгүй байж магадгүй” гэж тайлбарлаад  

-Үүнийг ажлын хариуцлага эсвэл ямар нэг улс төрийн шалтгаантай холбоотой гэж ойлгох уу?

-Улс төрийн шалтгаан бараг байхгүй дээ гэж хариулсан нь нэгийг өгүүлэх шиг.

ЦАГДААГИЙН ЕРӨНХИЙ ГАЗРЫН ДАРГА ЧИНГИС ГЭЖ ХЭН БЭ

УИХ-ын гишүүн Х.Баттулгын өмгөөлөгч түүнийг Нэр бүхий хоёр компанид санхүүгийн шалгалт хийхдээ Цагдаагийн тусгай хүчний ашигласан хуулийг ноцтой зөрчин, улс төрийн зорилгоор ажиллаж байгаа учраас албан тушаалаа өгөх ёстой гэж мэдэгдэж байсан.

Түүнийг Хууль зүйн сайд асан Ц.Мөнх-Оргил Цагдаагийн ерөнхий газрын даргад зүтгүүлж, 2012 онд ЦЕГ-ын дэд даргаар томилж байсан. Ц.Мөнх-Оргилын хуурай дүү гэгддэг. Мөн MCS компанийн удирдлагуудтай холбоотой гэсэн яриа байдаг юм байна.

Тэрбээр Замын цагдаагийн газар олон жил ажилласан хурандаа Рэнцэндоржийн хүү. ОХУ-ын Дотоод явдлын яамны академи төгсөөд 1989 оноос Эрүүгийн цагдаагийн газарт эрүүгийн төлөөлөгч, ахлах төлөөлөгчөөр ажиллаж байсан. 2004 онд АНУ-д Колорадогийн их сургууль төгсч ирээд Эрүүгийн цагдаагийн газрын Эдийн засгийн гэмт хэрэгтэй тэмцэх хэлтсийн даргаар томилогдож ажилласан.

Р.Чингис барилгын салбарт ажилладаг “Мегаментал” компанид 15.75 хувь эзэмшдэг. 15750 хувьцаатай. Мөн “Хийморьлог шонхор компанийн 11 хувийг эзэмшдэг юм байна. Түүний нэг жилийн орлого 107 сая 375 мянган төгрөг бол гэр бүлийн гишүүдийнх нь орлого 117 сая 164 мянган төгрөг  Хоёр орон сууц, нэг обьекттой. Тэдгээр нь 879 сая 920 мянган төгрөгөөр үнэлэгддэг. “Lexsus”, “GX450” маркийн хоёр автомашинаа 140 сая төгрөгөөр үнэлжээ. Мөн тэднийх 149 метр.кв болон 3.6 га газар эзэмшдэг. 63 сая төгрөгийн хадгаламжтай гэсэн мэдээлэл байна.

Юутай ч ЦЕГ-ын даргыг өөрчлөх яриа ийн Хууль зүйн сайдынх нь үгээр баталгаажиж байна. Олон нийтийн сэтгэл зүйд нөлөөлөх алхам хийсэн гэдэг нь Х.Баттулгыг баривчилна гэсэн дуулианыг дэврээсэн Баянгол рестораны оффист хийсэн нэгжлэгийг хэлж байгаа хэрэг болов уу. Өмнө нь ч гэсэн Х.Баттулгын туслах бүсгүйг баривчилсан гэсэн асуудлаар ЦЕГ болон Хууль зүй сайдад буруу мэдээлэл өгсөн гэсэн асуудал дэгдээж байсан билээ. 

А.АМАР