Үймээний эзэн УИХ-ын гишүүн С.Ганбаатар нам гүмхэн байсан ч тэрээр дахин үймээн шуугиан дэгдээсэн. Түүний хоморгонд ХҮНамыхан чирэгдсэн хэмээн иргэд ярьж байна.  ХҮН-ын даргаар Б.Найдлаа, С.Ганбаатар нар болох болохгүй хэмээн үймэж байсан ч хэн нь ч дарга болоогүй.

Тэгвэл энэ удаа үймээний эзэн УИХ-ын гишүүн С.Ганбаатар дахин хэрэг тарьсан бололтой. Тодруулбал: Дархан-Уул аймгийн 43-р тойрогт "Эх Орончдын Нэгдсэн Эвсэл"-ээс нэр дэвшигч С.Ганбаатар нь хуурамч материал бүрдүүлэн сонгуульд нэр дэвшсэн талаар иргэн С.Наранцэцэг, Б.Цэрэнбадам нар СЕХ-нд гомдол гарган 31 хуудас баримт бичиг CD-ний хамт хүлээлгэн өгчээ. Сонгуулийн Ерөнхий хорооноос уг гомдлыг судалж үзээд Цагдаагийн байгууллагад шалгуулахаар хандсан байна.

УИХ-ын гишүүн С.Ганбаатар сонгуульд өрсөлдөх гэж булхайгаа хэрэглэсэн ч баригдав бололтой.