Архангай аймгийн хоёрдугаар тойрогт бие даан нэр дэвшиж буй Б.Мэндсайханы сонгуулийн сурталчилгааны ухуулах байрыг шатаахыг завдсан хэрэг энэ сарын 13-14-нд шилжих шөнө гарсан тухай өмнө нь мэдээлсэн.

Тэгвэл Б.Мэндсайханы сонгуулийн сурталчилгааны ухуулах байр дахин халдлагад өртжээ.

Тодруулбал: Өнгөрсөн шөнө Эрдэнэбулган сумын хоёрдугаар багт байрлуулсан сонгуулийн сурталчилгааны ухуулах байрыг буулгаж, сүйтгэсэн хэрэг гарсан байна. Энэ хэргийг хэн хийсэн нь тодорхоогүй байгаа ба дээрх асуудлаар бие даан нэр дэвшигч Б.Мэндсайхан аймгийн Цагдаагийн газарт хандаж, ойр орчмын камерийг шалгуулах хүсэлтээ өгсөн тухайгаа өөрийн Фэйсбүүк хуудаснаа нийтэлсэн байна.

Ямар учраас түүний ухуулах байрыг сүйтгэж байгааг одоогоор тогтоогоогүй байна.

Бие даан нэр дэвшигчийн ухуулах байрыг шатаахыг завджээ