Монгол Улсад суугаа БНХАУ-ын элчин сайдын яамнаас Монгол-Хятадын “Найрамдал” сургуульд дэмжлэг үзүүлэх ёслолын үйл ажиллагаа боллоо.

52 жилийн түүхтэй Монгол-Хятадын Найрамдал сургуульд БНХАУ-ын элчин сайдын яамнаас 500 мянган юанийн буцалтгүй тусламж үзүүлж, сурагчдын сурлага хөдөлмөрт өндөр амжилт хүссэн.

Хоёр орны найрамдал харилцааг бэхжүүлж, сурагчдын сурах орчныг сайжруулах зорилгоор хандивласан тус хөрөнгөөр сургуулийн соёлын заалыг орчин үеийн тоног төхөөрөмж, шаардлага хангасан заал болгон тохижуулж Монгол-Хятадын соёлын төвийг байгуулах аж.