АНУ-ын Нью-Йорк хотын Манхэттэн дүүрэг, Нью-Жерси хотын Сийсайд цэцэрлэгт хүрээлэн болон Элизабет хотод есдүгээр сарын 17,18-нд болсон дэлбэрэлтүүд "Монгол иргэн өртөөгүй" гэж Гадаад харилцааны яамны консулын газраас мэдээлсэн байна. Нью-Йорк хотод болсон дэлбэрэлтэд 29 иргэн өртөж, эмнэлгийн анхан шатны тусламж авчээ. Харин Нью-Жерси хотод болсон хоёр дэлбэрэлтэд хүн өртөөгүй байна.
Эдгээр дэлбэрэлтүүд хоорондоо уялдаа холбоотой байх магадлалтай талаар АНУ-ын эрх бүхий байгууллагууд мэдээлжээ. Дээрх гурван тохиолдлоос гадна дэлбэрэлт хийх зориулалт бүхий хэд хэдэн төхөөрөмжийг АНУ-ын холбогдох байгууллага илрүүлж, аюулгүй болгосон аж.
Сэтгэгдэл байхгүй байна