Сүүлийн хэдэн өдөр хэрэглэгчдийнхээ бухимдлыг төрүүлээд байсан “Юнивишн”-ий асуудал үргэлжилсээр байна.

Хэрэглэгчид бухимдах болсон шалтгаан нь өрхийн хэрэглээний багцдаа өөрчлөлт оруулж хэрэглээг хязгаарлахаа зарласан явдал.

Тодруулбал: “Юнивишн” энэ сарын 20-нд өөрийн цахим хуудсаараа дамжуулан “Хэрэглээндээ нийлүүлэн сонгодог" үйлчилгээний багцын санал гаргасан нь ирэх сарын 1-нээс хэрэгжиж эхлэх аж.  Гэтэл иргэдийн хувьд хязгааргүй хэрэглээг илүү ихээр сонирхож байгаа тул өөрсдөөс нь асуулгүйгээр хэрэглээг нь өөрчилж хязгаарлаж байна гэж үзсэн.

Бүр цаашилбал, хэрвээ “Юнивишн”-ээс татгалзаж өөр компани сонговол анх худалдан авсан төхөөрөмжөө тэд буцаан авах уу гэсэн хэрэглэгчдийн асуултад хариу өгөхгүй байгаа бүдүүлэг авир нь тэднийг ШӨХТГ-аас шалгуулахад хүргэв үү.

Тодруулбал: ШӨХТГ-аас ажлын хэсэг гарч, ”Юнивишн”-ийг шалгахаар болжээ.

Хэрэглэгчид ШӨХТГ-т гомдол гаргаж тус газрыг шалгаж өгөхийг хүссэн байна. Түүнчлэн сүүлийн үед ШӨХТГ-т “Юнивишн” компанитай холбоотой гомдол ихээр ирэх болсон байна. Тиймээс ажлын хэсэг гарч тус газрыг шалгахаар болжээ