Хоёр улсын Засгийн газрын тохиролцсоны дагаа монголчуудыг албан ёсоор БНСУ-д ажиллуулах нэдсэн шалгалтыг явуулсаар 12 жил болж байна. Монголчуудын хувьд БНСУ буюу Өмнөд Солонгост очиж ажил хийх нь амьдралаа дээшлүүлэх нэг боломж байдаг болохоор энэхүү боломжид хамрагдаж болох шалгалтад бүртгүүлэх гэсэн иргэд уртын урт дараалал үүсгэсэн хэвээр байна.

Энэ жилийн хувьд цаг агаар хүндрэн цасан шуурга шуурсан өдрүүдэд ч Өмнөд Солонгост ажиллахын тулд хэлний шалгалтад бүртгүүлэх гэсэн хүмүүс өнжин хонон дугаарлаж бүртгүүлжээ.

Энэ жилийн Солонгос хэлний төвшин тогтоох шалгалт таван өдөр үргэлжилж буй. Үүнд гуравдугаар сарын дөрвөнд эхэлсэн шалгалт бүх нийтийн баярын болон амралтын өдрүүдийг өнжин, долоон, есөн, арванд үргэлжилнэ. Энэхүү шалгалтад бүртгүүлэн тэнцсэн иргэдээс БНСУ-д ажиллах эрхийг олгох юм. Солонгос хэлний төвшин тогтоох шалгалтад орохыг хүсэгчид аймаг, дүүргийн Хөдөлмөрийн хэлтэст бүртгүүлэх ёстой.

Төвшин тогтоох шалгалтад хэрхэн, ямар бичиг баримт бүрдүүлэн бүртгүүлэх талаарх мэдээллийг энд дарж уншина уу.

Дашрамд мэдээлэхэд шалгалтын бүртгэлийн хураамж 24 ам.доллар юм байна.

Дэлгэрэнгүй мэдээллийг энд дарж уншина уу