Азийн тэрбумтан, alibaba.com сайтын үүсгэн байгуулагч Жэк Ма лекц маргааш буюу долдугаар сарын 27-ны өдрийн 13:00 цагаас “Скай резорт” амралтын газарт цөөн тооны хүмүүст зориулж лекцээ унших юм байна.

Тус лекц англи хэл дээр явагдах бөгөөд зөвхөн урилгатай хүмүүс оролцох боломжтой аж. Урилгагүй хүмүүс Жэк Магийн лекцийг Үндэсний Хөрөнгө Оруулалтын Банкны фэйсбүүк хуудсаар шууд үзэх боломжтой хэмээн зохион байгуулагчид мэдээллээ.