Өдөр тутмын онцлох мэдээлэл, нийтлэл, үйл явдлын тоймыг монгол, англи хэлээр хүргэж байгаа билээ. Та эдгээр мэдээллийн англи орчуулгыг ENGLISH хэсгээс уншина уу. Мөн та бүхэнд бид англи, монгол хэлээр тусгайлан бэлтгэсэн мэдээлэл, тайлан захиалгаар бэлтгэн хүргэж байх болно. Та ямар мэдээ мэдээлэл шаардлагатай байгаа талаар бидэнтэй холбогдон хамтран ажиллахад бид бэлэн байна.

Мөн та бүхэнд бид англи, монгол хэлээр тусгайлан бэлтгэсэн мэдээлэл, тайлан захиалгаар бэлтгэн хүргэж байх болно. Та ямар мэдээ мэдээлэл шаардлагатай байгаа талаар бидэнтэй холбогдон хамтран ажиллахад бид бэлэн байна.

МАХН-ын гишүүд, дэмжигчид намынхаа байранд мэдээлэл хийж, Чингисийн талбайд нойтон өлсгөлөн зарлах болсон талаар мэдэгдлээ.

Энэхүү өлсгөлөнд МАХН-ын дарга Н.Энхбаяр, МАХН-ын дэд дарга Э.Эрдэнэжамьяан тэргүүтэй хэсэг хүмүүс маргааш өглөөний 09.00 цагаас Чингисийн талбайд өлсгөлөн зарлаад, зургаадугаар сарын 5-нд дуусгахаар төлөвлөж байгаагаа дуулгалаа.

Өлсгөлөн зарлаж байгаа шалтгаан нь Н.Энхбаяр, Э.Эрдэнэжамьяан нарын ялтай байдлын хугацаа дуусаагүй учраас УИХ-ын сонгуульд нэр дэвшүүлэхээс татгалзсан учир намынхаа хэсэг нөхдийн хамт нойтон өлсгөлөн зарлахаар болжээ.

МАХН-ын өлсгөлөн зарлах хүмүүс өнөөдөр Сүхбаатар дүүргийн эрүүл мэндийн нэгдэлд биеэ үзүүлж, өлсгөлөн зарлах бэлтгэлээ базаасан байна.

Нэмэлт мэдээлэл:2016.05.31

МАХН-ын дарга Н.Энхбаяр нарын 14 хүн тавдугаар сарын 28-нд Тусгаар тогтнолын талбайд гэр барьж өлсгөлөн зарлаж эхэлсэн бөгөөд тавдугаар сарын 30-ны 22.00 цагийн орчимд өлсгөлөнгөө зогсоолоо.  Хүүхдийн баярын арга хэмжээ зохион байгуулах учраас талбайг чөлөөлж, өлсгөлөнгөө зарлахыг анхааруулсан гэсэн мэдээлэл байна. Мөн тус намын нэр дэвшигчдийн материалыг Сонгуулийн Ерөнхий өчигдөр 21.00 цагийн үед хүлээн авсан юм.

Тус намын зарим гишүүнийг нэр дэвшүүлэхгүй байна гэж МАХН-ынхан гомдоллож байгаа бол Сонгуулийн ерөнхий хороо “Бид намын нэр дэвшигчдийн материалыг хүлээж авсныхаа дараа хууль журамд нийцэж байгаа эсэх хариуг өгөх ёстой. Одоогоор ямар ч материал ирүүлээгүй байж нэр дэвшүүлэхгүй байна гэж ярих ёсгүй” гэсэн утгатай тайлбар хийж байсан. СЕХ нэр дэвшигчдийн материалыг хянаж үзээд зургадугаар сарын 6-ны дотор хууль журамд нийцэж байгаа эсэхэд хариу өгөх ёстой юм.

Англи эхийг энд дарж уншина уу

For English version please click here