Нийслэлийн гэмт хэргээс урьдчилан сэргийлэх ажлыг зохицуулах зөвлөлийн хурал болж хуралдаанаар 2015 оны гэмт хэргийн нөхцөл байдал болон зам тээврийн ослын нөхцөл байдлын мэдээг танилцуулж, гэмт хэргээс урьдчилан сэргийлэх зөвлөлийн 2016 оны төлөвлөгөөг хэлэлцэн баталсан.

 
Үүнээс гадна өнгөрсөн онд нийслэлийн хэмжээнд 17 939 гэмт хэрэг бүртгэгдсэн бөгөөд 2014 онтой харьцуулахад 4,3 хувь өссөн үзүүлэлттэй байгаагаас хулгай болон залилангын хэрэг өссөн үзүүлэлттэй гарсан байна.  Гэмт хэрэг илрүүлэлт 58,3 хувьтай бүх түвшинд өссөн үзүүлэлттэй байгаа ба нийслэл хотын хэмжээнд 2015 онд бүртгэгдсэн нийт гэмт хэргийн ихэнх хувийг хулгай, залилангын хэрэг эзэлсэн байна. Иймд цагаадгийн байгууллагаас “Хөршийн хяналт” хөтөлбөрийг хэрэгжүүлж хулгайн гэмт хэрэгтэй тэмцэх урьдчилан сэргийлэх дэд хөтөлбөр боловсруулжээ. Дээрх хөтөлбөрийн үр дүн сайн байгаа гэж үзэж байгаа аж.

Түүнчлэн өршөөлийн хуулиар суллагдсан иргэдээс 1906 иргэн Улаанбаатар хотод харъяалагдаж байгаа бөгөөд эдгээр иргэдийн 45 нь дахин хэрэгт холбогдож шалгагдаж байгаа юм байна.

Нийслэлийн гэмт хэргээс урьдчилан сэргийлэх ажлыг зохицуулах зөвлөлөөс ерөнхий боловсролын сургуулиудын орчимд  эцэг эх эргүүл хийх төслийг 2013 оны арван сараас эхлэн хэрэгжүүлж эхэлсэн.

Сургуулийн орчинд эргүүлээр ажиллаж байгаа эцэг эхчүүд нэг жилийн хугацаанд 1050 зөрчлийг таслан зогсоож сургуулийн орчимд үйлдэгдэг гэмт хэрэг 15,3 хувиар буурсан байна.

Мөн 84 оюутан цагдааг 42 чиглэлд 84 оюутан цагдааг аялал жуучлалын улирлын үеэр  ажиллуулжээ.

Улаанбаатар хотын Замын цагдаагийн газрын дарга хурандаа Ч.Жаргалсайхан нийслэлд гарсан зам тээврийн осол болон замын хөдөлгөөний нөхцөл байдлын талаар мэдээлэл өгсөн юм.

Тэрээр 2015 онд Улаанбаатар хотод 467 101 тээврийн хэрэгслэл бүртгэгдсэн. Энэ  нь сүүлийн 4 жилийн хугацаанд 2,5 дахин өссөн үзүүлэлт гэж мэдээллээ. Мөн зам тээврийн осол өнгөрсөн оныхтой харьцуулахад 14,8 хувиар буурсан ч зам тээврийн осолд өртөж амь насаа алдсан хүүхдийн тоо 2 дахин нэмэгдсэн гэсэн харамсалтай мэдээллийг өгсөн юм.

2014 онд найман хүүхэд зам тээврийн ослын улмаас амь насаа алсан бол 2016 онд 16 хүүхэд зам тээврийн ослын улмаас амиа алджээ. Эдгээр хүүхдүүдийн 11 нь явганаар зорчиж явахдаа осолд өртсөн гэсэн судалгааг гаргасан байна.