Бараг жил гаруй үргэлжилсэн АНУ-ын 45 дахь Ерөнхийлөгчийг сонгох сонгууль үндсэндээ өндөрлөж байна. Арваннэгдүгээр сарын 8-нд өрнөсөн АНУ-ын Ерөнхийлөгч сонгох сонгуулийн дүн Улаанбаатарын цагаар арваннэгдүгээр сарын 9-нд 15.00 орчим цагт гаргч 276 төлөөлөгчийн саналаар Дональд Трамп ялж байгаа талаар мэдээлсэн. Тэгвэл энэ өдрийн орой өрсөлдөгч Хиллари Клинтон ялагдлаа хүлээн зөвшөөрч, Дональд Трампад утсаар баяр хүргэсэн гэж CNN дамжуулсан байна. Ингээд үндсэндээ БНН-ын нэр дэвшигч Дональд Трамп АНУ-ын Ерөнхийлөгч болох нь тодорхой болж байна. Гэхдээ Ерөнхийлөгчид нэр дэвшин өрсөлдөгчдийн талаар арванхоёрдугаар сарын 8-нд Сонгогчдын коллеги хэлэлцэх ёстой юм.