• Эхлэл
  • Монголбанк:12-р сард 55 тэрбумын зээл гарсан

Монголбанк:12-р сард 55 тэрбумын зээл гарсан

2020/01/09

Өндөр настан, ахмадуудын тэтгэврийн зээлийг тэглэх болсонтой холбоотойгоор олон янзын эргэлзээ, маргаан гараад байгаа. Тухайлбал, УИХ-ын гишүүн Ц.Мөнх-Оргил зөвхөн өнгөрсөн 12-р сард 100 тэрбум төгрөгний зээл гаргасан гэсэн зүйл ярьсан нь олны дунд шуугиан дэгдээгээд байгаа. Тэгвэл Монголбанкнаас зээлийн талаарх мэдээллийг албан ёсны сайтдаа гаргасан байна. Ингээд уг мэдээллийг бүрэн эхээр нь хүргэж байна. 

Банкууд 2019 оны 12 дугаар сарын 31-ий өдрийн байдлаар 228.7 мянган зээлийн дансанд 757.9 тэрбум төгрөгийн тэтгэврийн зээлийн үлдэгдэлтэй байна. Энэ нь 2018 оны эцэстэй харьцуулахад 167.5 тэрбум төгрөг буюу 18.1 хувиар буурсан үзүүлэлт юм. Нэг зээлдэгчид ногдох тэтгэврийн зээлийн хэмжээ дунджаар 3.3 сая төгрөг байна.

Тэтгэвэр барьцаалсан зээлдэгчдийн 20.1 хувь нь 3.0 сая хүртэлх төгрөгийн, 55.1 хувь нь 3.0-6.0 сая хүртэлх төгрөгийн, 15.4 хувь нь 6.0-10.0 сая хүртэлх төгрөгийн, 9.4 хувь нь 10.0 саяаас дээш төгрөгийн зээлийн үлдэгдэлтэй байна.

2018-2019 оны тухайн сард олгосон тэтгэврийн зээлийн дүнг зурагт харуулав. 2019 оны 12 дугаар сард өмнөх саруудын дундажтай ижил хэмжээний буюу 55 тэрбум төгрөгийн зээл шинээр гарчээ. Энэ нь өмнөх 11 дүгээр сараас 1 тэрбум төгрөгөөр бага дүн юм.

Зураг 1. Тухайн сард олгосон тэтгэврийн зээл, тэрбум төгрөгөөр

 

Эх сурвалж: Банкуудын зээлийн тайлан, Монголбанк

 


ИХ УНШСАН

Сэтгэгдэл байхгүй байна

Сонин хачин