Авлигатай тэмцэх газраас МАХН-ын дарга, иргэн Н.Энхбаяр нарт холбогдох эрүүгийн 201401000075 тоот хэрэгт мөрдөн байцаалтын ажиллагаа явуулж дуусгаcнаа мэдэгдлээ.

Н.Энхбаярын хэргийг прокурорт шилжүүлсэн байна. Ерөнхийлөгчийн сэнтийгээс бууснаас хойш хууль хяналтынхнаас салахгүй бооруулж байгаа Н.Энхбаярт худалдан авах гэрээгээр халхавчилж, бусдын обьектийг үнийн зарим хэсгийг төлөлгүй авч, залилан мэхэлсэн, бусдыг хээл, хахууль авахад хамтран оролцож, өдөөн түлхсэн, гүйцэтгэх ажлын хууль тогтоомжийг зөрчсөн зэрэг гурван зүйл ангиар эрүүгийн хэрэг үүсгэн АТГ-т шалгаж байсан юм. 

АТГ-аас Н.Энхбаярыг Эрүүгийн хуулийн тусгай ангийн 133 дугаар зүйлийн 133.1 дэх хэсэг, мөн хуулийн 148 дугаар зүйлийн 148.4 дэх хэсэг, мөн хуулийн 268 дугаар зүйлийн 268.2-т заасан гэмт хэрэгт яллагдагчаар татаж, хэргийг яллах дүгнэлт үйлдүүлэх саналтай Нийслэлийн прокурорын газарт шилжүүлсэн байна.