Нийслэлийн Засаг даргын Тамгын газар, Нийслэлийн Боловсролын газраас хамтран Нийслэл хотын 377 жилийн ойд зориулан “Миний мөрөөдлийн аз жаргалтай Улаанбаатар” сэдэвт гар зургийн уралдаан зарлажээ.

Уралдаанд нийслэлийн Ерөнхий боловсролын сургуулийн сурагчид 6-9, 10-13, 14-18 гэсэн насны ангилалаар оролцох юм. Уралдаанд ирүүлэх бүтээлээ А4 хэмжээний ватум болон зургийн дэвтрийн цаасан дээр зургийн бүх төрлийн хэрэглэгдэхүүнийг ашиглан гүйцэтгэнэ. 

Бүтээлийг 2016 оны аравдугаар сарын 21-ний өдрийн 10:00-16:00 цагт Багшийн хөгжлийн ордон, Нийслэлийн Боловсролын газрын 505 тоот өрөөнд хүлээн авна. Шилдэг бүтээлийг 2016 оны аравдугаар сарын 25-26-нд шалгаруулан дүнг олон нийтэд зарлах бөгөөд ирүүлсэн бүх бүтээлээр Нийслэлийн ойн өдөр  Сүхбаатарын талбайд  үзэсгэлэн гаргах юм.  Бүтээлүүдийн үзэл санаа, гүйцэтгэл зэргийг үндэслэн насны ангилал тус бүр өргөмжлөл, мөнгөн шагналаар шагнана гэж Нийслэлийн Боловсролын газраас мэдээллээ.