Автобусанд картаар зорчдог иргэд сууж, буухдаа түүнийгээ заа­вал уншуулдаг. Гэвч зарим то­хиолдолд буухдаа картаа уншуу­лахаа мартах, картны машин нь ажиллахгүй байх зэрэг хүндрэл учирдаг. Үүнээс болж автобусны жолооч болон зорчигч нарын дунд маргаан үүсдэг.  

Тэгвэл авто­бусны “U Money” картын шинэчлэлийг ирэх сараас хэрэг­жүүлэхээр төлөвлөсөн байна. 

Тодруулбал, авто­бусны “U Money” картын шинэчлэлийг ирэх сараас хэрэг­жүүлэхээр болж, нэн тэр­гүүнд карт уншуулахгүй автобусаар зорчих шийдэлд хүрсэн байна.

Ингэхдээ иргэд гар утасны симдээ автобусны картын чип суулгах юм байна. Өөрөөр хэлбэл иргэд автобусанд гар утсаа уншуулаад үйлчлүүлдэг болох аж.

Эхний ээлжид “Юнител” компанитай гэрээ байгуулан чиптэй сим карт оруулж ирээд байгаа ба ирэх сард худалдаанд гаргахаар төлөвлөөд буй. Харин бусад операторуудтай уулзалт хийж, мэдээлэл солил­цох шатандаа явж байгаа аж.

Мөн банкны картуу­дад чипээ суурилуулах бо­ломжийг бүрдүүлжээ. Эхний ээлжид “Голомт”, “Худалдаа хөгжлийн банк”, “Хаан” банкны картад чип суулгахаар болсон байна. Ингэснээр иргэд нэг картаараа банкны гүйлгээ болон автобусны  төлбөрөө хийх боломжтой болох аж.