Баянзүрх дүүргийн Жендэрийн дэд хөтөлбөр боловсруулах ажлын хэсгийн уулзалт болж байна. Уулзалтаар дүүргийн жендэрийн нөхцөл байдлын дүн шинжилгээний үр дүнг Зөвлөх багийн ахлагч, Жендэрийн үндэсний шинжээч Ш.Солонго танилцуулсан юм. Жендэрийн нөхцөл байдлын үр дүн, дүгнэлт, зөвлөмжийг үндэслэн ажлын хэсгээс жендэрийн дэд хөтөлбөрийн зорилго, зорилтыг тодорхойлох юм.

Түүнчлэн ажлын хэсгийн гишүүд 3 багт хуваагдан дэд хөтөлбөрийн зорилго, зорилтыг тодорхойлон, танилцуулга хийж зорилтын төслийг хамтран боловсруулж байна. Уулзалтад дүүргийн Хөдөлмөр эрхлэлт, нийгмийн хөгжлийн асуудал хариуцсан Засаг даргын орлогч Б.Наранчулуун, Жендэрийн үндэсний хорооны шинжээчид болон бусад албаны хүмүүс оролцож байгаа аж.