
Хар тэнгисийн усанд осолдсон ОХУ-ын Батлан хамгаалах яамны ТУ-154 онгоцны ослоор амь үрэгдэгсдийг эцсийн замд нь үдэх ёслол өчигдөр /2017.01.16/ Москвад боллоо. Онгоцны ослоор Сирид ажиллаж байгаа энхийг сахиулагчдад тоглолт хийхээр явж байсан Оросын алдарт Александровын нэрэмжит цэргийн дуу бүжгийн ансамблийн 64 уран бүтээлч, 9 хэвлэл мэдээллийн байгууллагын ажилтан болон албаны хүмүүс, онгоцны экипажийнхан амь насаа алдсан юм. Холбоотой мэдээллийг энд дарж үзнэ үү.
Ослоор амь үрэгдсэн 92 хүнээс Батлан хамгаалах яамны Соёлын хэлтсийн дарга, нисэх багийн гишүүд, А.В.Александррын нэрэмжит дуу, бүжгийн чуулгын уран бүтээлч, сэтгүүлчид гээд 47 хүний шарилыг Москва хотын Цэргийн дурсгалын цогцолборт нутаглуулсан байна.
Эцсийн замд үдэх ёслолд амь үрэгдэгсдийн гэр бүл, ойр дотныхноос Батлан хамгаалахын сайд Сергей Шойгу, Зам тээврийн сайд Максим Соколов, Засгийн газрын болон төрийн Думын гишүүд оролцжээ.



Холбоотой мэдээллийг доор дарж үзнэ үү
Сүйрсэн онгоцонд 64 уран бүтээлч 9 сэтгүүлч явжээ


Сэтгэгдэл байхгүй байна