Өчигдрийн УИХ-ын чуулганд гишүүн С.Жавхлан, Я.Содбаатар, О.Содбилэг нар оролцоогүй гэсэн мэдээлэл гарсан. Тэгвэл үүнийг няцааж УИХ-ын Тамгын газраас залруулга гаргасан байна. Үүнд

Улсын Их Хурлын 2017 оны намрын ээлжит чуулганы нээлтэд оролцсон гишүүдийн ирцийн мэдээ бүрэн бүртгэгдэж дуусаагүй байхад зарим мэдээллийн хэрэгслээр УИХ-ын гишүүн Б.Жавхлан, Я.Содбаатар, О.Содбилэг нарыг оролцоогүй мэтээр мэдээлсэн байна. Гишүүд чуулганы нээлтэд оролцсон бөгөөд УИХ-ын гишүүн Б.Жавхлан 09.55 цагт, Я.Содбаатар 10.15 цагт, О.Содбилэг 10.35 цагт тус тус картаа уншуулж, намрын ээлжит чуулганы нээлтэд оролцсон болно гэжээ. Ингээд гишүүдийн ирцийн мэдээллийг танилцуулж байна. 

УИХ-ын Тамгын газрын Мэдээллийн технологийн хэлтэс