Татварын Ерөнхий газарт гал гарсан талаархи дуудлага нийслэлийн Онцгой байдлын газар ирсэн байна. Дуудлагын дагуу НОБГ-ын харъяа гал унтраах 10 дугаар ангийн аврагчид ажиллаж, галыг унтраасан байна. Гал юунаас үүдэж гарсан талаар тодорхой мэдээлэл байхгүй ч цахилгааны гэмтлээс болсон байх магадлалтай гэж байгаа аж. Байшингийн шатсан байдлыг харахад ч ерөнхийдөө цахилгааны далд  монтажаас гал гарсан байж болзошгүй харагдаж байлаа.

Үүнтэй зэрэгцээд Татварын ерөнхий газарт гал гарч Эрдэнэтийн татвартай холбоотой бичиг баримтууд шатжээ гэсэн шоглол сошиал ертөнцөд тархжээ. Гэхдээ одоогоор галын хохирлын талаар албан ёсны мэдээлэл гараагүй байна.