Шүүгдэгчдийн ар гэрийнхэн шүүхийн шийдвэрийг эсэргүүцэж байна

Шүүхийн шийдвэрийн талаар Б.Содномдаржаагийн ээж Б.Жавзмаа “Прокурор, шүүх шударга байсангүй.Миний хүү С.Зоригийг хөнөөгөөгүй. Би хөлөө хүрэх газар хүртэл явна. Нэг хүний үгэнд итгэж миний хүүг гүтгэлээ. Улс төрийн хэргийг энгийн номхон жирийн иргэнд тохох ямар хэрэгтэй юм бэ. Ард түмэн минь надад дэмжлэг, туслалцаа үзүүлээч ээ. Энэ хүмүүс нэг жил таван сарын турш биднийг тамласан. Одоо миний хүүг алах гээд байгаа юм уу. Шүүх хурал хаалттай гээд надаар юу ч яриулаагүй. 1937, 1938 оны хэлмэгдүүлэлтээс дор зүйл боллоо. Би давж заалдана” гэв.

Т.Чимэгээгийн нөхөр С.Бямбасүрэн "Шүүх юу хийж байгаа юм бэ. Нэг шоронгийн хулгайчийн үгээр ард иргэдээ шүүдэг төр, улс гэж байдаг юм уу. Захиалагч нь хаана байгаа юм. Энэ хэрэгт ганц амьд гэрч бий. Тэр бол С.Зориг агсны эхнэр Б.Булган. Тэр хүнийг гэрчээр оролцуулдаггүй шүүх хурал байдаг юм уу. Би шүүхэд итгэж байсан. Хуулийн байгуулалгууд ард түмнээ өмгөөлж, шүүх хэрэгтэй биздээ. Бид гомдолтой байна” гэлээ.

Харин иргэд, 

- С.Зоригийг хөнөөсөн хүмүүст биш шүүгдэгсдэд ял өглөө гэж л бодож байна.

- 18-Жил хүлээсэн С.Зоригийн хэрэг илэрлээ. Монголын ард түмэн нүдээ чилж чихээ сэтэртэл хүлээсэн юм. Олон улс төрчид илрүүлнэ гэж шоу хийж төрийн толгойд гарсан даа хөөрхий.

Харин шүүх Дорж өөрөө л унасан гэдэг шиг Зориг бараг өөрөө үхсэн гэсэн итгэмээргүй шийдвэр гаргажээ. Дэлхийн нийтийн анхаарлын төвд оруулж, улс төрийн аллага гэж цоллож байсан гэмт хэргийг бараг ахуйн хэрэг гэчихшивдээ.

- Сонин л жүжиг байна. Мэдэж байсан юм шиг л гэнэт гаргаад ирдэг их учиртай тоглолт болж байна. Нөгөө нэг Мөрөн гэх нөхөр гадаадын харъяатын ажил эрхлээд Хятадуудтай сүлбээтэй болсон энэ хэргийн будлианы эзэн яагаад оролцохгүй байна. Тэр хүн л их сэжигтэй хүн байсан даа. Тухайн үед гялс мөр юуг нь баллаад хэргийг замхруулж байснаа одоо гэнэт оллоо гээд хэрэг тохож байгаа ч юм шиг сонин шийд болжээ? Хэзээ шудрага үнэнч шүүгч, цагдаа Монголд бий болох гэж гайхаж байна. 

- Шүүх шийдвэрээ гаргасан байна. Гол нь захиалсан эзэн нь тодорхой болсон. Захиалга гүйцэтгэхийн тулд зохион байгуулалтанд орсон, хэргийн газраас оргон зайлсан олон жил хуулийн байгуулгаас нуугдаж чадсан, энэ хэрэгт холбоотой олон хүн зүй бусаар хорвоогоос одсон зэрэг олон ээдрээг тайлах хэмжээний шийдвэр гарсан гэж бодож байна. Энэ нь үндэслэлтэй бол хэргийн улсын нууцад хамаарах хэсгээ тусгаарлаад нийтэд танилцуулах хэрэгтэй байх.

- Энэ ч нэг л биш ээ. Манай төр, Хуулинд итгэх арга алга аа. Яагаад нээлттэй хийж болдоггүй юм бол. Үүнийг чинь ярихдаа ахуйн аллага гээд яриад байсан биш билүү. 

- С.Зоригийг хөнөөсөн хэрэгт 3 хүнийг яллав. Хэвлэлээс харвал шүүхийн шийдвэрт, захиалгаар гэж тодотгосон бололтой. Захиалгаар гэдгийг нь үнэхээр тогтоосон юм бол, захиалагчийг нь бас тогтоосон л байх нь энгийн логик. Тэгвэл захиалагч нь хэн бэ? улсын нууц уу?. Хэрвээ энэ хэргийн учгийг, эзнийг үнэхээр олсон л юм бол тэр захиалагчийг зарлах ёстой. Захиалагч гэж хардагдсан, тогтооогдсон тал ч өөрийгөө өмгөөлөх, буруугүйг нотлох эрхтэй. Тэр дуу хоолойг нийгэм сонсмоор бна даа. Гэмт хэрэгтнийг яллах нь шударга ёс ч, гэмт хэрэгтнүүдээ яг олсон байх нь хамгийн чухал бөгөөд жинхэнэ шударга ёс.

- С.Зоригийн хэрэгт хичнээн хүнийг хэлмэгдүүлж, хичнээн айлын голомтыг самарсан бол. Энэ хэлмэгдүүлэлт ингээд дуусч байгаад баяртай байна.