Ерөнхий боловсролын сургуулийн бага ангийн сурагчид өнгөрсөн оны арванхоёрдугаар сарын 29-өөс эхлэн 21 хоног, дунд болон ахлан ангийн сурагчид өнөөдөр буюу нэгдүгээр сарын 5-наас эхлэн долоогоос 14 хоног амарч байгаа. Гэхдээ ханиад томуу их байгаа учраас бага ангийн хүүхдийн амралтыг сунгаж магадгүй гэсэн яриа гараад байсан.

 Тухайлбал, УИХ-ын зарим гишүүдээс хүйтний улиралд сурагчдын амралтыг сунгаж, хавар долдугаар сар хүртэл сунгаж хичээллэх санал гаргасныг Засгийн газрын өчигдрийн хуралдаанаар хэлэлцээд сунгах шаардлагагүй гэсэн дүгнэлт гаргасан байна.