Монгол Улсаас БНХАУ-ын Засаг захиргааны онцгой бүс Хонг Конгт суугаа Ерөнхий консул Г.Жаргалсайхан Хонг Конгийн Боловсролын нарийн бичгийн дарга Кевин Йеунгтэй энэ сарын 17-нд Санамж бичигт гарын үсэг зурлаа. Санамж бичигт манай талаас Боловсрол, шинжлэх ухааны сайд Л.Энх-Амгалан гарын үсэг зурсан бөгөөд энэ өдрөөс хүчин төгөлдөр болж байна.

Энэхүү баримт бичгийг байгуулсны үндсэн дээр Хонг Конгийн Засгийн газраас “Бүс ба Зам – Монгол Улс” тэтгэлэгт хөтөлбөрийг шинээр бий болголоо.  Уг тэтгэлэгт хөтөлбөрийн хүрээнд 2022 оноос эхлэн жил бүр Хонг Конгийн улсын их, дээд сургуульд суралцах тав хүртэлх монгол оюутанд сургалтын төлбөрийн 100 хувийн тэтгэлэг олгож буйгаа мэдэгдлээ. Нэг оюутны сургалтын төлбөр 200 сая төгрөг юм байна.

Азийн топ 10 их сургуулийн гурав, дэлхийн топ 100 их сургуулийн тав нь Хонг Конгийн их дээд сургууль байна.

Эх сурвалж: ГХЯ