18 жил хүлээлтэд байсан С.Зоригийн амь насыг хөнөөсөн хэргиийн шүүх хурал таван өдөр үргэлжилж, өчигдөр шүүгдэгчдэд ял оноосноор олон асуулт, таамаглал үүсээд байгаа. Ялын дүгнэлтээс харвал тэднийг 2-оос дээш хүний амийг хөнөөсөн гэж үзсэн бололтой гэсэн таамаг дэвшээд байгаа. Гэхдээ хуулийн байгууллагын зүгээс ямар нэгэн тайлбар мэдээлэл өгөөгүй байгаа юм. Тэгвэл өнөөдөр УИХ-ын чуулганаар Улсын Ерөнхий прокурорын орлогчийг томилох асуудлыг хэлэлцэх үеэр УИХ-ын гишүүд С.Зоригийн амийг хөнөөсөн хэргийн талаар Улсын Ерөнхий прокурорын байгууллагаас тодорхой тайлбар өгч, иргэдийн эргэлзээг тайлах ёстой гэж УИХ-ын гишүүд хариулт хүссэн байна.
Энэ асуултад Улсын Ерөнхий прокурор М.Энх-Амгалан
-Прокурорын байгууллага хуулийн дагуу шийдвэрээ гаргасан. Прокуророос С.Зориг агсны хэрэгтэй холбогдуулан захиалгаар хүний амь нас хохироосон, үйлдсэн гэмт хэргээ нуун дарагдуулахын тулд дөрвөн хүний амь насыг хохироосон гэсэн дүгнэлт гаргасан. Шүүх хуулийн дагуу шийдвэрээ гаргасан гэж бодож байна” гэсэн тайлбар өглөө.
Холбоотой мэдээллийг дор дарж уншина уу.
Ц.Амгаланбаатар нар 2-3 хүний амь хөнөөсөн бололтой
Ц.Амгаланбаяр, Б.Содномдаржаа, Т.Чимгээ нарт 24-25 жилийн ял оноов
Сэтгэгдэл байхгүй байна